«Стары Ольса» выдае альбом у ЗША і едзе ў тур за акіян (відэа)
987 / 0
28.03.2016

«Стары Ольса» выдае альбом у ЗША і едзе ў тур за акіян (відэа)

Беларускі гурт сабраў 29 890 даляраў у межах кампаніі ў падтрымку альбому сярэднявечных кавэраў, але мае намер найперш прадставіць сваю ўласную творчасьць.

Вялікі посьпех напаткаў гурт «Стары Ольса», які зьбіраў на сусьветна вядомай краўдфандынгавай плятформе Kickstarter сродкі на выданьне альбому сусьветных гітоў, сыграных на сярэднявечны манер. Неабходную суму ў 7000 даляраў музыкі сабралі ўсяго за тыдзень, а за азначаны для збору месяц агульная сума ахвяраваньняў дасягнула 29 890 даляраў. У топ-5 краінаў, якія спрычынілся да новага альбому беларусаў, на першым месцы ЗША, потым ідуць Вялікабрытанія, Беларусь, Аўстралія і Канада. Сабраныя грошы музыкі плянуюць выдаткаваць на запіс абяцанага альбому з бонусамі, а таксама на тур па Амэрыцы, які пройдзе ў жніўні-верасьні. Ужо пацьверджаныя выступы ў Лос-Анджэлесе, Чыкага, Атаве, Дэнвэры ды іншых гарадах Амэрыкі. Музыкаў ужо запрасілі на інтэрвію на найбуйнейшае радыё ЗША National Public Radio.

«Краўдфандынг — гэта мазалі на пальцах і бяссонныя ночы! Страшна цікава! За кожным спонсарам стаіць неімаверная праца. Мару цяпер выспацца, бо жыву гэты месяц па амэрыканскім часе. Вялікае захапленьне і ўзрушэньне бачыць падтрымку з усяго сьвету, некаторыя водгукі расчульваюць да сьлёз. А яшчэ адчуваеш сябе, як на арэлях, бо спонсары могуць павышаць свае ахвяраваньні, зьніжаць і ануляваць», — сказала ў камэнтары для Tuzin.fm удзельніца гурту Марыя Шарый.

Пытаньне аўтарскіх правоў на песьні, якія запісвае «Стары Ольса» ўзялася ўрэгуляваць амэрыканская кампанія «24 Hour Distribution». Дыск пад назвай «Medieval Classic Rock» таксама будзе выдадзены ў Амэрыцы першапачатковым накладам у 1000 асобнікаў. Ён выйдзе да восені 2016 году, а да траўня 2017 году музыкі плянуюць разаслаць падарункі ўсім, хто спрычыніўся да яго выданьня.

А 15 красавіка гурт прэзэнтуе ў Менску свой новы канцэртны альбом «Кола рыцэрска».

Яшчэ: «Стары Ольса»: «Patria Super Omnia, Літвіны(прэм’ера)

Tuzin.fm

231 / 0
22.07.2016
Unplugged 2

Тая сьвіта, ды налева пашыта

Альбом «Unplugged 2» ад гурта BosaeSonca прапануецца разглядаць як працяг лайв-экспэрымэнту ў выглядзе альбому «Адпусьці», але пры тым яна дужа розьніцца ад папярэдняга дыску.

390 / 0
28.06.2016
Repeat

Hurma. Зь вераю ў любоў

«Repeat» — першы альбом для гурту Hurma, які рыхтаваўся да выданьня ад перамогі музыкаў у намінацыі «Дэбют» на прэміі «Героі году — 2013».

652 / 0
13.06.2016
Проста вер

«Мерада». Сьвятла хопіць усім

«Проста вер» — гэта 10 кампазыцыяў, вытрыманых у ангельска-амэрыканскай стылістыцы, але перапрацаваных у беларускіх традыцыях.

1427 / 1
10.05.2016
Рэха

Dzieciuki. Трэцяе кола адраджэньня

Dzieciuki адыгрываюць ролю, якую ў другой палове 90-х выконваў N.R.M. Толькі яны яшчэ больш заглыбляюцца ў гістарычны кантэкст. Іх мэта — расказаць, пазнаёміць, уславіць. Ніякай іншасказальнасьці і сэнсавага напластаваньня.

1575 / 1
21.04.2016
Маленьне за Беларусь

Шыкоўны альбом на вершы Барадуліна

Колішні ўдзельнік ансамблю «Песьняры» і гурту Rouble Zone Аляксандар Віслаўскі прэзэнтуе на Tuzin.fm альбом на вершы Рыгора Барадуліна, які запісаў ягоны новы праект Studio Neman.