Шчасьце
4825 / 0
21.07.2014

Navi. «Шчасьце» быць! (прэм'ера сынглу)

Гурт Navi прэзэнтуе на Tuzin.fm беларускамоўны сынгл «Шчасьце», запісаны ў новым гучаньні.

«Шчасьце» ілюструе новы этап у жыцьці Navi. «Цяпер мы даем поўны гук!», — з захапленьнем абвяшчаюць заснавальнікі каманды Арцём Лук’яненка і Ксенія Жук. Цяпер яны стала граюць з бас-гітарыстам ды бубначом, сам Арцём зьмяніў акустычную гітару на электрычную і гэта сапраўды даволі моцна паўплывала на гучаньне Navi. Поўным складам музыкі ўпершыню выйшлі на сцэну 17 ліпеня ў Re:Public, дзе ў тым ліку ўпершыню зайгралі ўжывую «Шчасьце». Студыйны варыянт песьні Navi прадстаўляюць на Tuzin.fm«Гэтай песьняй мы якраз сьведчым, што выходзім на новую ступень, а значыць маем і большыя намеры», ­— кажуць музыкі. Запіс, зьвядзеньне і майстарынг песьні зрабіў Артур Сьцяпанаў, які зьяўляецца саўндпрадусарам гурта. 

Арцём і Ксенія вырашылі аздобіць вокладку сынгла выявамі твараў сваіх слухачоў. Дзеля гэтага заклікалі праз сваю суполку дасылаць фотаздымкі. «Мы падкрэсьлілі, што нам патрэбныя менавіта шчасьлівыя моманты з жыцьця людзей. І мы атрымалі іх вельмі шмат, усе выявы проста фізычна ня здолелі зьмясьціцца на вокладку», — кажа Арцём. Navi мяркуе зьняць на гэтую песьню свой новы кліп і таксама задзейнічаць у ім сваіх слухачоў.

Музыкі ўжо маюць матэрыял на новы альбом. Усе песьні ўжо напісаныя, цяпер справа за студыяй. Пачуць Navi ў абноўленым гучаньні ў найбліжэйшы час можна на фэсьце «Дружба» 2 жніўня.

Песьня «Шчасьце» возьме ўдзел у аўдыёчарце на Tuzin.fm у новым музычным сэзоне 2014/2015.

 

Прэм’ера на Tuzin.fm. Navi — Шчасьце

Cловы і музыка Арцём Лукяненка

Запіс, зьвядзеньне, майстарынг — Артур Сьцяпанаў

Вокладка — Андрэй Сьвятлоў

 

Сёньня я зразумеў,

Навошта ты

Хочаш, каб

Засталіся мы адны

Побач моц

Новы сэнс і новы час

Толькі, каб самым лепшым у адказ

 

Зразумей, што адбылося

Зразумей, што адбываецца

 

Пр. Я ня ўбачу сьвет, пакуль яго ня ўбачыш ты

Сонца запавет мы знойдзем разам і тады

Кожны новы крок для нас адкрые цэлы шлях

І калі патрэбна шчасьце зьявіцца ў руках

 

Першым з нас

Будзе толькі той, хто там

Моцным стаў

За працягам ёсьць працяг

 

Побач моц

Новы сэнс і новы час

Толькі, каб самым лепшым у адказ

 

Зразумей, што адбылося

Зразумей, што адбываецца…

Тэгi:
402 / 0
07.08.2016
Мая малітва

Naka. Пасьля споведзі

Запіс першага ў дыскаграфіі беларускамоўнага альбому, стаў для каманды Насты Шпакоўскай сапраўдным выпрабаваньнем, якое музыкі прайшлі годна.

665 / 0
22.07.2016
Unplugged 2

Тая сьвіта, ды налева пашыта

Альбом «Unplugged 2» ад гурта BosaeSonca прапануецца разглядаць як працяг лайв-экспэрымэнту ў выглядзе альбому «Адпусьці», але пры тым яна дужа розьніцца ад папярэдняга дыску.

781 / 0
28.06.2016
Repeat

Hurma. Зь вераю ў любоў

«Repeat» — першы альбом для гурту Hurma, які рыхтаваўся да выданьня ад перамогі музыкаў у намінацыі «Дэбют» на прэміі «Героі году — 2013».

991 / 0
13.06.2016
Проста вер

«Мерада». Сьвятла хопіць усім

«Проста вер» — гэта 10 кампазыцыяў, вытрыманых у ангельска-амэрыканскай стылістыцы, але перапрацаваных у беларускіх традыцыях.

1870 / 1
10.05.2016
Рэха

Dzieciuki. Трэцяе кола адраджэньня

Dzieciuki адыгрываюць ролю, якую ў другой палове 90-х выконваў N.R.M. Толькі яны яшчэ больш заглыбляюцца ў гістарычны кантэкст. Іх мэта — расказаць, пазнаёміць, уславіць. Ніякай іншасказальнасьці і сэнсавага напластаваньня.