У гіт-парад трапляюць песьні беларускіх музыкаў, запісаныя ў апошні год. Агулам зьбіраецца 12 удзельнікаў туру — г. зв. тузін.

Разьмяшчэньне песьні ўзгадняецца з выканаўцамі (праваўладальнікамі). Музычны кірунак ролі ня грае, мова твору — беларуская.

Песьня мусіць быць прадастаўлена ў добрай якасьці (не ніжэй за 192Kbs). Песьні ў абавязковым парадку запампоўваюцца на сэрвэр парталу Tuzin.fm.

Права прыняцьця канчатковага рашэньня аб уключэньні або неўключэньні ў гіт-парад песень, кліпаў і альбомаў на «Тузіне Гітоў» рэдакцыя парталу пакідае за сабой.

Галоўнае патрабаваньне да ўдзельнікаў гіт-параду ды іх прыхільнікаў весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт у сацыяльнай сетцы (Facebook, «УКантакце») адзін раз на суткі, абіраючы адну, дзьве або тры песьні.

Тур гіт-параду доўжыцца тры тыдні (з сэзону 2015—2016). Па выніках туру вызначаецца пераможца і тры аўтсайдэры. Песьні, якія занялі апошнія тры месцы пакідаюць чарт (але іх МР3-вэрсіі застаюцца ў каталёгу). Замест іх у новым туры ў барацьбу ўключаюцца тры новыя кампазіцыі, галасы абнуляюцца і галасаваньне пачынаецца спачатку.

Mp3
784 / 0
05.10.2016
Дождж

Дождж

Гурт Яўгена Белановіча і Паўла Рыжкова «MorkvoЦвет» прэзэнтуе ў аўдыёчарце на Tuzin.fm свой першы за тры гады існаваньня студыйны трэк «Дождж».

1006 / 0
03.10.2016
Мова

Мова

Сьпявак Аляксандар Сухараў прэзэнтуе ў межах аўдыёчарту на Tuzin.fm сваю першую аўтарскую песьню на беларускай мове.

1831 / 0
29.09.2016
Душа-яліна

Душа-яліна

Гурт BY CRY прэзэнтуе на Tuzin.fm свой новы сынгл «Душа-яліна» і кліп на яго.

2198 / 0
26.09.2016
Мора

Мора

Сьпявак Uzari прэзэнтуе ў межах аўдыёчарту на Tuzin.fm сваю першую аўтарскую песьню на беларускай мове.

1180 / 0
24.09.2016
На станцыі Койданава

На станцыі Койданава

Вакалістка гурта «Мерада» разам з музыкамі з гуртоў «J:морс» і «Эльдорадо» зрабіла жаночы варыянт гіта гурта «Бонда» пра Койданава ў кантры-стылістыцы. Песьня ўдзельнічае ў першым «Засьпявай-туры» на Tuzin.fm.

1095 / 0
23.09.2016
Горадзе наш

Горадзе наш

Гурт на чале з вакалісткай Кацярынай Гузоўскай-Гара прадстаўляе ў адмысловым «Засьпявай-туры» аўдыёчарту на Tuzin.fm песьню «Горадзе наш» на верш Насты Кудасавай.

819 / 0
21.09.2016
Чырвоны дыск сонца

Чырвоны дыск сонца

Гурт Тацяны Казановіч прадстаўляе ў аўдыёчарце на Tuzin.fm перасьпеў гіта гурта «Без билета». Аўтар арыгіналу падзякаваў музыкам за пранікнёнае выкананьне.

1278 / 8
20.09.2016
Здарожыўся

Здарожыўся

У аўдыёчарце на Tuzin.fm Яўген Барышнікаў прэзэнтуе сваю вэрсію знакамітага гіта ВІА «Сябры», напісанага на словы Ніла Гілевіча.

758 / 2
19.09.2016
Астэроід

Астэроід

У аўдыёчарце на Tuzin.fm бярэ ўдзел песьня «Астэроід», які вакаліст і кампазытар Станіслаў Чахоўскі запісаў на верш Ігара Канановіча. Паэт незадоўга да сьмерці пачуў гэты твор.

900 / 0
16.09.2016
Фабрыка

Фабрыка

Гурт U.G.Oslavia прэзэнтуе ў аўдыёчарце на Tuzin.fm быць можа сваю апошнюю песьню — кавэр на гіт N.R.M. «Фабрыка». Прынамсі, музыкі намякаюць, што ў іх маюць адбыцца карэнныя зьмены.

723 / 0
15.09.2016
Быў.Ёсьць.Буду

Быў.Ёсьць.Буду

У першым туры аўдыёчарту ў новым музычным сэзоне Антось Звычайны прэзэнтуе песьню «Быў.Ёсьць.Буду», створаную на верш Уладзімера Караткевіча.

788 / 0
14.09.2016
Я, да жалю, ня пан

Я, да жалю, ня пан

У аўдыёчарце на Tuzin.fm менскі гурт прадстаўляе сваё прачытаньне песьні «Я, да жалю, ня пан». Пярліна праекту «Народны альбом» зроблена імі пад уплывам трып-гопу і дабу.